Saatlı rayonunda “Xocalı” faciəsinin iyirmi üçüncü ildönümü keçirilmişdir.
26 fevral 2015-ci il tarixdə saat 10:00-da Saatlı rayonunda Xocalı soyqırımının iyirmi üçüncü ildönümü ilə əlaqədar rayonunun əmək kollektivləri, ictimaiyyət nümayəndələri, rayon sakinləri tərəfindən azərbaycanlıların soyqırımı abidə kompleksi ziyarət edilmiş, abidə kompleksi önünə tər gül-çiçək dəstələri qoyulmuş və Xocalı faciəsinə həsr olunmuş ədəbi-bədii kompazisiya nümayiş olunmuşdur. Anım tədbirində ümumilikdə 5 min nəfər rayon sakini iştirak etmişdir.
Bundan əlavə şəhər və kənd inzibati ərazi dairələrində, yaşayış məntəqələrində, bütün əmək kollektivlərində Xocalı soyqırımına həsr olunmuş anım mərasimləri, mühazirələr keçirilmiş, ədəbi-bədii gecələr, foto və rəsm sərgiləri təşkil olunmuş, rayonda müvəqqəti məskunlaşmış xocalılarla görüş keçirilərək, onların həyat şəraiti və qayğıya ehtiyacları öyrənilmiş, sosial müdafiələri ilə bağlı həmin ailələrə maddi yardımlar edilmişdir.
